पाकिस्तानी भूमिमा अमेरिकी चालकरहित विमानबाट आक्रमण जारी, अल कायदाका ८ जना लडाकूको मृत्यु

अमेरिकी चालकरहित विमानबाट पाकिस्तानी भूमिमा गरिएको पछिल्लो आक्रमणमा अलकायदा समूहका कम्तीमा ८ जना लडाकू मारिएका छन्। उत्तरी बजिरिस्तानस्थित स्थानीय आदिवाशी नेताको घरलाई लक्षित गरी चालकरहित विमानबाट क्षेप्यास्त्र आक्रमण गरिएको अधिकारीहरुले बताएका छन्। मारिनेमा अरबी र टर्किस मूलका ३ जना जर्मन नागरिक पनि रहेको बताइएको छ। उनीहरु पनि अल कायदाकै सदस्य भएको अमेरिकी अधिकारीको दाबी छ। पछिल्लो समयमा अमेरिकाले पाकिस्तानी भूमिमा चालकरहित विमानबाट गरिने क्षेप्यास्त्र आक्रमणलाइ तीव्र बनाएको छ।।