नेपाली कांग्रेसका उपसभापति प्रकाशमान सिंहले पार्टीको बाह्रौं महाधिवेशनमा मैत्रीपूर्ण प्रतिस्पर्धा हुने बताउनुभएको छ। नयाँ नेतृत्वका लागि उम्मेदवारी घोषणा गर्ने र आ–आफ्नो प्यानल बनाउने क्रम चलिरहेका बेला उपसभापति सिंहले महाधिवेशनमा हुने प्रतिस्पर्धाले नै पार्टीले बजबुद नेतृत्व पाउने र पार्टी बलियो हुने दाबी गर्नुभयो। महाधिवेशनका लागि महामन्त्री पदमा उम्मेदवारी घोषणा गर्नु भएका सिंहले प्रजातान्त्रिक पार्टीमा प्रतिस्पर्धा हुनु स्वभाविक रहेको बताउनुभयो। उपसभापति सिंहले असोज १ देखि पाँच गतेसम्म काठमाडौंमा सम्पन्न हुने कांग्रेसको बाह्रौं महाधिवेशनले आम कार्यकर्तामा नयाँ उत्साह जाग्ने बताउनुभयो।।
